Þrjú smit úr sýnum sem tekin voru við landamæraskimun

Þrír greindust með COVID-19 smit við landamæraskimun á Keflavíkurflugvelli í gær. Þetta kemur fram á covid.is 1.413 sýni voru tekin við landamæraskimun í gær.

Þá voru 73 sýni tekin hjá sýkla- og veirufræðideild Landspítalans, ekkert smit greindist í þeim sýnum.

Níu eru nú í einangrun hér á landi vegna COVID-19 og 249 eru í sóttkví.

Alls hafa 14 smit greinst við landamæraskimun á Keflavíkurflugvelli síðan verkefnið hófst þann 15. júní.