Þrjú smit við landamæraskimun annan daginn í röð

Þrjú kórónuveirusmit greindust við landamæraskimun á Keflavíkurflugvelli í gær, líkt og daginn áður. 511 sýni voru tekin við landamæraskimun í gær. Þetta kemur fram á covid.is.

Þá voru 37 sýni tekin hjá sýkla- og veirufræðideild Landspítalans í gær og tíu sýni hjá Íslenskri erfðagreiningu, ekkert smit greindist í þeim sýnum.

Níu eru nú í einangrun hér á landi vegna COVID-19 og 168 eru í sóttkví.

Alls hafa 17 smit greinst við landamæraskimun á Keflavíkurflugvelli síðan verkefnið hófst þann 15. júní.