Knattspyrnufélagið Þróttur fagnaði 70 ára afmæli sínu með veglegri afmælishátíð og dansleik í Laugardalshöll 7. september.
Félagið var stofnað 5. ágúst 1949 þegar nokkrir félagar hittust í gömlum herbragga við Grímsstaðavör við Ægissíðuna og stofnuðu Knattspyrnufélagið Þrótt. Á meðal stofnfélaga voru Halldór Sigurðsson kaupmaður, fyrsti formaður Þróttar, og Eyjólfur Jónsson sundkappi.
Höfuðstöðvar félagsins eru í Laugardalnum þar sem þær hafa verið frá 1998, en áður var félagið í Sæviðarsundi og vesturbænum.
Á afmælishátíðinni voru veittar viðurkenningar til félagsmanna, Jón Jónsson tónlistarmaður var veislustjóri, Gísli Einarsson sjónvarpsmaður flutti hátíðarræðu, sýnt var sýnishorn úr heimildarmyndinni um Þrótt og að lokum taldi Selma Björnsdóttir ásamt hússins í heljarinnar dansleik.
Þróttarar hafa gert margt á árinu í tilefni þessa áfanga: í hverri viku hefur Þróttari vikunnar verið kynntur á heimasíðu félagsins, upphaflegt merki félagsins var endurgert, í vor var öllum Þrótturum og íbúum Laugardalsins boðið í afmælisveislu í félagsheimilinu sem tengd var hverfishátíðinni „Laugarnes á ljúfum nótum“. Mikill fjöldi kom þá til okkar í heimsókn og þáði afmælistertu. Núna í lok sumars verður svo opnuð glæsileg sögu og minjasýning í hátíðarsalnum okkar þar sem sýndir verða fjöldi muna, mynda, búninga o.fl. úr sögu félagsins. Heimildarmynd um félagið er í vinnslu.
