- Auglýsing -
Fjöldi fólks gekk alla leiðina frá Grindavík í gær að gosstöðvunum við Geldingadali. Þannig þurftu margir að ganga 23 kílómetra vegalengd og var fólk á gosstöðvunum fram á nótt. Óljóst er hvenær svæðið verður opnað í dag.
Met var líklega slegið í ásókn í gær og kvörtuðu margir undan óstjórn á svæðinu þar sem fólk sem beðið hafði klukkutímum saman í bílum sínum til að komast að svæðinu var snúið til baka. Sumir létu það hins vegar ekki stoppa sig og gengu þá alla leiðina frá Grindavík að gosstöðvunum.
Talsvert var um illa búið göngufólk en gærkvöldið gekk þó stórslysalaust fyrir sig.