- Auglýsing -
Lögreglan á höfuðborgarsvæðinu fékk tilkynningu um bifreið út í Elliðavatni á vatnsverndarsvæði í morgun. Starfsmenn Heilbrigðiseftirlitsins voru sendir á vettvang. Þá var bifreiðin dregin á brott með kranabifreið.
Tilkynnt var um ölvaðan ökumann í Árbæ á sjöunda tímanum í morgun. Lögregla stöðvaði bifreiðina skömmu síðar. Ökumaðurinn, sem grunaður er um akstur undir áhrifum fíkniefna, reyndi í fyrstu að ljúga til um hver hann væri.
Prufa var jákvæð fyrir fimm tegundir fíkniefna. Maðurinn var látinn laus að lokinni sýnatöku. Þá var annar maður grunaður um akstur undir áhrifum fíkniefna í Árbæ. Prufa reyndist jákvæð fyrir þrem tegundum fíkniefna. Hann var látinn laus að lokinni sýnatöku.
Tilkynnt var um innbrot í bifreið í Vesturbænum laust fyrir klukkan 10:00 í morgun. 30 mál voru bókuð milli 05:00 og 11:00 í morgun hjá Lögreglunni.