- Auglýsing -
Tólf ára stúlka lést af völdum COVID-19 í Belgíu á dögunum. Er hún yngsta fórnarlamb veirunnar sem vitað er um í Evrópu.
Breski fjölmiðillinn Independent greinir frá þessu og vitnar í doktor Emmanuel Andre sérstakan talsmann belgísku ríkisstjórnarinnar í málum er varða COVID-19 faraldurinn. Þar segir Andre að dauðsfall stúlkunnar hafi verið reiðarslag fyrir fjölskyldu hennar, belgísku þjóðina og alþjóðlega vísindasamfélagið.
Í Belgíu eru nú vel á 13.000 manns smitaðir af COVID-19 og hafa 705 manns látist af völdum veirunnar, þar af 98 síðasta sólarhringinn.