Tomas Mančiauskas, tæplega þrítugur Lithái, fannst látinn í söfnunargámi Rauða krossins í Kópavogi fyrir rúmri viku. Hann lætur eftir sig fjögurra ára gamla dóttur sem býr í Litháen. Minningarathöfn verður haldin á miðvikudaginn.
Félag Litháa á Íslandi harmar atburðinn og sendir fjölskyldu og vinum innilegustu samúðarkveðjur. Félagið tilkynnti um andlátið innan hóps Litháa á Íslandi þar sem komið var inn á minningarathöfnina. „Okkur fannst mjög sorglegt að heyra af þessu og það er erfitt að hugsa til þess að hann eigi þessa litlu stúlku í heimalandinu. Við sendum fjölskyldunni innilegar samúðarkveðjur,“ segir Jurgita, stjórnarmaður í Félagi Litháa á Íslandi.
Tomas er talinn hafa verið að teygja sig ofan í gáminn og fest hönd sína þar. Lögregla segir ekki neitt annað að sjá en að um hörmulegt slys hafi verið að ræða. Gámurinn er staðsettur vesturbænum í Kópavogi, nærri Salnum.
Á miðvikudaginn verður haldin minningarathöfn í St. Jósefskirkju, kaþólsku kirkjunni í Hafnarfirði. Þar mun Juan Carlos Escudero prestur halda helga messu til að kveðja Tomas, eða Tom eins og hann var kallaður.
Til stuðnings fjölskyldu Tomasar á erfiðum tímum geta þeir sem vilja hjálpa lagt inn á eftirfarandi reikning, reikningshafi er bróðir Tom sem býr einnig hér á landi:
0526-26-290991
Kennitala 290991-4639