Yfirvöld í Bandríkjunum tóku af lífi transkonu sem dæmd var til dauða árið 2003, fyrir hrottalegt morð á fyrrum sambýliskonu sinni. Mun þetta vera fyrsta dæmið um konu, utan tvíhyggju kynjakerfisins, sem tekin er af lífi.
Amber McLaughlin stakk fyrrum kærustu sína ítrekað, eftir að hafa setið um hana í marga mánuði. Amber var dæmd til dauða. Fyrir dómi sögðu verjendur hennar að Amber hafi átt erfiða æsku og hafi glímt við andleg veikindi.
„Fósturforeldri nuddaði saur í andlitið á henni þegar hún var barn. Faðir hennar, sá sem ættleiddi hana, notaði rafbyssu á hana. Hún reyndi oft að enda sitt eigið líf, bæði sem barn og fullorðin.“
Amber hét þá Scott McLauglin og var í sambandi með Beverly Guenther. Þegar þau hættu saman fékk Scott þráhyggju fyrir Beverly, hann sat um hana og faldi sig jafnvel á vinnustað hennar. Að lokum myrti Scott fyrrum kærustu sína. Lögreglan var fljót að tengja Scott við málið eftir að brotinn hnífur og blóðpollur fannst í bíl Beverly. Hann játaði á sig morðið og sýndi lögreglu hvar hann hafði losað sig við líkið. Árið 2006 var hann dæmdur fyrir morð að yfirlögðu ráði.
Amber hóf kynleiðréttingarferli fyrir þremur árum en samkvæmt lögum eru föngum ekki gefin hormónar, nema í þeim tilfellum þar sem meðferð var þegar hafin við byrjun afplánun.