- Auglýsing -
Leikarinn Tryggvi Rafnsson býðst til að aðstoða Guðna Th. Jóhannesson forseta Íslands í kosningabaráttunni sem er framundan. Hann birtir færslu í hópnum Stuðningsfólk Guðna Th. á Facebook þar sem hann tekur fram að hann sé til taks ef Guðna vanti einhverja aðstoð eða afleysingu í baráttunni.
„Vinnum þetta saman,“ skrifar Tryggvi sem fór með hlutverk Guðna í áramótaskaupinu 2017 og þótti standa sig mjög vel. Guðni sjálfur var ánægður með túlkun Tryggva og sendi honum kveðju eftir skaupið.
