- Auglýsing -
Um miðnætti í nótt fékk lögreglan tilkynningu um eld upp úr strompi í húsnæði á Barónsstíg, sem áður hýsti veitingastaðinn Argentínu til margra ára.
Kveikt hafði verið í arni í húsinu og og logaði svo glatt í honum að eldtungurnar stóðu upp um reykháfinn og fylgdi mikill reykur með. Tveir einstaklingar voru handteknir á vettvangi, en slökkvilið sá um að slökkva eldinn í strompinum. Einstaklingarnir eru vistaðir í þágu rannsóknar málsins. Ekki vitað um hversu mikið tjón varð, en málið er í rannsókn.
Einnig fékk lögreglan nokkrar tilkynningar um innbrot í fyrirtæki í nótt sem leið.