Í dagbók lögreglunnar kemur fram að kona slasaðist á höfði eftir að hafa fallið fyrir utan hótel í hverfi 108, var konan flutt á slysadeild með sjúkrabifreið.
Þá var aðili í annarlegu ástandi handtekinn í hverfi 101 þar sem hann fór ekki að fyrirmælum, og hann vistaður í fangaklefa.
Tveir menn voru handteknir í hverfi 101, þar sem þeir höfðu í hótunum við dyraverði, mennirnir voru vopnaðir hnífum og bareflum; þeir voru vistaðir í fangaklefum.
Ökumaður undir áhrifum áfengis var stöðvaður í hverfi 104.
Þá var manni vísað á brott eftir að hafa verið til vandræða fyrir utan skemmtistað í hverfi 101.
Ökumaður undir áhrifum áfengis var stöðvaður í hverfi 101.
Eftirlit með skemmtistöðum í hverfi 101, þar sem forráðamenn eins skemmtistaðar eiga von á kæru þar sem dyraverðir voru án réttinda; einnig voru aðilar undir aldri inni á staðnum.
Tvö ungmenni voru kærð þar sem þau framvísuðu skilríkjum sem voru ekki í þeirra eigu, og höfðu ekki aldur til að vera inn á staðnum.
Ölvaður ökumaður var svo stöðvaður í hverfi 105, og annar ölvaður st0ðvaður í hverfi 104.
Aðili var handtekinn sem var til vandræða fyrir utan skemmtistað í hverfi 101, hann kærður fyrir brot á lögreglusamþykkt og í framhaldi sleppt.
Ölvaður ökumaður var stöðvaður í hverfi 108, bifreiðin full af fólki og reyndist tveim ofaukið í bifreiðinni.