- Auglýsing -
María Gestsdóttir varaformaður Íbúasamtaka Laugardals segir að umgengni á tónlistarhátíðinni Secret Solstice hafi verið til fyrirmyndar.
„Ég hef tekið eftir því sjálf á hátíðinni að það er fólk í gulum vestum að taka til allan tímann sem mér finnst mjög ánægjulegt,“ sagði María Gestsdóttir varaformaður Íbúasamtaka Laugardals í samtali við Morgunblaðið.
Hennar upplifun er sú að íbúar Laugardals hafi verið ánægt með hátíðina og umgengnina á svæðinu. Hún bendir á að hátíðarhaldarar hafi hlustað á íbúa og reynt að bregðast við athugasemdum þeirra eftir bestu getu.
Þess má geta að breska fyrirtækið Greenbox sá um að halda svæðinu hreinu en það fyrirtæki sérhæfir sig í þrifum á hátíðum. Fyrirtækið Hreinistækni sá um að þrífa svæðið fyrir utan hátíðarsvæðið.