- Auglýsing -
Gríðarlegur verðmunur er á St. Dalflour sultum hjá Krambúðinni. Inn á grúppunni Vertu á verði á Facebook skapast reglulega umræða um hátt verðlag hjá Krambúðinni og þetta var engin undantekning. Undarleg verðlagning blasti við blaðamanni Mannlífs á dögunum þegar hann keypti þar eina sultukrukku.
St.Dalflour sultur
Four fruits 839 krónur, Orange 849 krónur, Strawberry 849 krónur, Blueberry 599 krónur. Verðmunur á dýrustu og ódýrustu sultunni er tæplega 42 prósent á meðan aðrar verslanir hafa svipað verð.
Í öllum öðrum verslunum eru þessar sultur á svipuðu verði. Ef við tökum sem dæmi Nettó sem rekur einnig Krambúðirnar þá lítur þetta svona út:
Four fruits 569 krónur, Orange 579 krónur, Strawberry 579 krónur, Blueberry 519 krónur.
Til dæmis er Orange sultan hjá Krambúðinni 49 prósent dýrari en samskonar sulta hjá Nettó.
Mannlíf leitaði svara á þjónustuborði Samkaupa sem rekur Krambúðina en ekkert svar barst þaðan.