Lögreglan á höfuðborgarsvæðinu átti náðuga nótt, Þrjótar og afbrotamenn héldu að mestu kyrru fyrir og glæpir voru fáir. Þá virðist sem ölvun hafi verið í lágmarki. Hugsanlega er það rysjóttu veðri að þakka að að glæpamemm og glaumgosar af öllum kynjum héldu kyrru fyrir.
Í miðborg Reykjavíkur bar það helst til tíðinda að rafhlaupahjóli far stolið. Samkvæmd dagbók lögreglunnar er það mál óupplýst. Þá var brotin rúða á sama svæði.
Bifreið var stöðvuð í austurborginni vegna gruns um að ökumaður væri ekki fullkomlega með sjálfum sér. Hann er grunaður um akstur undir áhrifum áfengis.
Kópavogslögreglan hafði afskipti af umferðaróhappi. Þá gómaði hún ökumann sem grunaður er um að hafa ekið drukkinn.
Í Grafarvogi var verslunarfólki nóg boðið þegar hópur unglinga var með uppsteyt. Viðskiptavinir og starfsfólk verslunarinnar varð fyrir ónæði vegna þessa. Óskað var eftir aðstoð lögreglu vegna þessa. Lögreglumenn gripu í taumana og komu á friði í versluninni.