Uppsagnir hjá Árborg: 57 starfsmenn missa vinnuna – Laun bæjarstjóra lækka um 5 prósent

Í dag sagði sveit­ar­fé­lagið Árborg upp ráðning­ar­samn­ing­um við 57 starfs­menn sveit­ar­fé­lags­ins; einnig til­kynnt um 5% launa­lækk­un æðstu stjórn­enda, bæj­ar­stjóra og sviðsstjóra, en þetta kem­ur fram á vef Árborgar.

Þar segir að þess­ar aðgerðir séu liður í hagræðingu í rekstri sveit­ar­fé­lags­ins; gripið sé til þeirra vegna erfiðrar fjár­hags­stöðu er kynnt var íbú­um Árborgar í síðustu viku.

Í það heila starfa í dag um 1047 manns í 827 stöðugild­um hjá Sveit­ar­fé­lag­inu Árborg;  aðgerðirnar sem nú hef­ur verið gripið til snerta öll rekstr­ar­svið bæj­ar­ins; hafa áhrif á eitthvað um 100 starfs­menn.

Upp­sagn­ar­frest­ur starfs­manna er sam­kvæmt samn­ing­um á bil­inu 3 til 6 mánuðir og á vef Árborg­ar seg­ir að meiri upp­lýs­ing­ar um áhrif upp­sagn­anna á starf­semi og þjón­ustu Árborgar verði kynnt­ar síðar.