- Auglýsing -
Vanessa Bryant, eiginkona körfuboltamannsins Kobe Bryant, tjáir sig um fráfall eiginmanns síns og dóttur í færslu á Instagram. Þetta er í fyrsta sinn sem Vanessa tjáir sig opinberlega síðan Kobe og 13 ára dóttir þeirra, Gianna Bryant, létust í þyrluslysi á sunnudaginn.
Í færslunni þakkar hún fólki fyrir stuðninginn. „Takk fyrir allar bænirnar. Við þurftum á þeim að halda,“ skrifar Vanessa meðal annars. Hún segir fjölskylduna vera niðurbrotna en eiga erfitt með að lýsa sársaukanum hún sé að upplifa.
„Það er vonlaust að hugsa sér lífið án þeirra,“ skrifar Vanessa einnig áður en hún þakkar fólki aftur fyrir stuðninginn.
Færslu Vanessu má sjá í heild sinni hér fyrir neðan.
https://www.instagram.com/p/B77K8XWDY7O/