Nú varar Veðurstofa Íslands við auknum líkum á skriðum og grjóthruni á Vestfjörðum; einnig á Snæfellsnesi – vegna mikillar úrkomu og leysinga vegna hlýnandi veðurs.
Kemur fram að gular viðvaranir eru í gildi á Breiðafirði og Vestfjörðum, þar til seint annað kvöld.
Í tilkynningu Veðurstofu segir að spá geri ráð fyrir vætu víða um landið í dag; búist sé við að mesta úrkoman falli á Vestfjörðum sem og Snæfellsnesi; en á sama tíma hlýnar og hitastig verður víða um fimm stig; er eykur yfirborðsrennsli vegna leysinga.
Í kjölfar úrkomunnar er búist við vatnavöxtum í ám og lækjum; farvegir sem venjulega eru vatnslausir geta nú fyllst. Yfirborðshreyfingar líkt og grjóthrun, farvegsbundnar aurskriður sem og jarðvegsskriður geta átt sér stað nánast fyrirvaralaust.
Veðurstofan varar því fólk við að dvelja undir bröttum hlíðum; segir ástæðu til að sýna varkárni á vegum landsins; þá sérstaklega á Vestfjörðum.