Staðan er þannig í veðrinu að austan eða norðaustan hvassviðri er nú á landinu sunnanverðu; gular viðvaranir eru í gildi vegna þess: Viðvörun tekur gildi í Eyjum og á Suðurlandi klukkan 10:00; gildir til 18:00.
Í Eyjum er spáð austan fimmtán til tuttugu metrum á sekúndu; gæti veðrið valdið usla á tjaldsvæðum sem eru eðlilega kjaftfull um þessa helgi.
Þá varar Veðustofan við vindhviðum sem og hvassviðri undir Eyjafjöllum; einnig norðaustan og austan hvassviðri vestan Öræfa.
Í öðrum landshlutum er búist við hægari vindi og vætu með köflum.
Á morgun er búist við austankalda eða strekkingingi; frekar lítilli rigningu á sunnanverðu landinu.
Þá nálgast lægð landið sunnan úr hafi annað kvöld; þá má búast við að hvessi töluvert úr norðaustri með rigningu suðaustanlands.
Á mánudag er spáð leiðindaveðri; hvassri norðaustanátt og rigningu um allt land.