Vegagerðin tilkynnti í gær að Reykjanesbraut yrði lokuð frá því klukkan 20 miðvikudaginn 16. nóvember og til klukkan 20 í dag fimmtudaginn 17. nóvember.
Rétt fyrir klukkan sjö í morgun snerist fólki Vegarferðarinnar hugur og tilkynnt var að leiðin væri opin um Reykjanesbraut til vesturs en þess í stað yrði lokað í kvöld í sólarhring. Fjöldi bifreiða var þá þegar farinn eða á leið um Krýsuvíkurveg, um helmingi lengri leið. Óánægja var á meðal þeirra vegna þessa máls, enda liggur fyrir að þeir þurfa að aka aftur í fyrramálið sömu leið með tilheyrandi óþægindum. Einn vegfarandi sem ók þessa leið lét Vegagerðina hafa það óþvegið. „Takk, fyrir ekkert,“ sagði ökumaðurinn og taldi óboðlegt að tilkynna svo seint um breytinguna. „Hlakka að fara Krýsuvíkurleiðina á mörgun; aftur,“ skrifaði hann og háðið leynir sér ekki.