- Auglýsing -
Alls óvíst er hvort kórónuveiran sem veldur COVID-19 muni einhvern tímann deyja út. Þetta sagði Mike Ryan, yfirmaður neyðaraðgerða hjá Alþjóðaheilbrigðisstofnuninni (WHO), á upplýsingafundi í gær.
Ryan sagði vonlaust að reyna að spá til um hvenær og hvort veiran muni hverfa alveg. Hann sagði að jafnvel bóluefni yrði engin ávísun á að hægt væri að útrýma veirunni alveg. Hann bætti við að það sé mikilvægt að fólk sé meðvitað um þennan möguleika.
Hann tók svo HIV-veiruna sem dæmi, hann sagði okkur hafa lært að lifa með henni.
Smitsjúkdómalæknirinn Maria van Kerkhove sagði á sama fundi að fólk þurfi nú að sætta sig við að það muni taka heimsbyggðina einhvern tíma að komast út úr faraldrinum.