- Auglýsing -
Lögreglan á höfuðborgarsvæðinu hélt áfram að heimsækja veitingahús í miðborg Reykjavíkur í gærkvöldi til að kanna hvort reglum um sóttvarnir væri framfylgt. Fjórtan staðiir voru heimsóttir og af þeim reyndust átta þeirra með sóttvarnir í fullkomnu lagi samkvæmt dagbók lögreglunnar.
Aftur á móti þurftu fimm staðið að gera úrbætur og bæta skipulag hjá sér til að mæta reglum um tveggja metra regluna. Tiltölulega fáir voru á stöðunum en að mati lögreglu var óvíst hvort aðstæður þeirra staða hefðu verið viðunandi ef fleiri gestir hefðu verið á þeim.
Einn staður hafði ekki gert viðunandi sóttvarnaráðstafanir að mati lögreglunnar og var um hann skrifuð brotaskýrsla. Of margir gestir voru inni á staðnum og lítið sem ekkert bil á milli gestanna.