Að þessu sinni kannaði Mannlíf hvað kostar að bregða sér í náttúrulaugar víðs vegar um landið. Skoðað var verð á níu laugum, af öllum stærðum og gerðum. Það ber að hafa í huga, að laugarnar eru ekki á nokkurn hátt eins, hvorki að stærð né aðstöðulega séð. Hver laug er sérstök á sinn hátt og var einungis verið að bera saman verðið með aðgang að hverri laug fyrir sig í huga. Dagurinn sem notaður var þegar verið var að skoða bókunarverðið var laugardagurinn 3. júlí.
Niðurstöður
Fullorðinsaðgangur: Hæsta verðið reyndist vera hjá Bláa lóninu og lægsta verðið hjá Hoffelli í Hornafirði. Munar 799 prósent á verðinu.
Barna/unglingaaðgangur: Hæsta verðið reyndist vera hjá Bláa lóninu og lægsta verðið hjá Hoffelli í Hornafirði. Munar 799 prósent á verðinu.
Barnaaðgangur: Börn á vissu aldursbili fengu öll frítt nema á einum stað, Kraumu en þar greiða þau 300 krónur.
Eldri borgarar og öryrkjar: Bláa lónið og Sky lagoon voru með hæstu verðin en Hoffell í Hornafirði með það lægsta. Munar 599 prósent á verðinu.
Þessar laugar gefa eldri borgurum og öryrkjum engan afslátt: Sky lagoon og Hoffell Hornafirði.
Bláa lónið er með flæðandi verð sem þýðir að aðgangurinn getur kostað 6.990 til 8.990 krónur. Ef aðsókn er mikil hækkar verðið samfara því. Sky lagoon leyfir ekki börn undir 12 ára aldri í lóninu.
Hér að neðan má sjá töflu með öllum upplýsingum :
| Staður | Fullorðinn | Börn/unglingar | Börn | Eldri borgarar | Öryrkjar |
| Jarðböðin við Mývatn | 5700 | 2700 (unglingar) | Frítt | 3700 | 3700 |
| Krauma | 4500 | 2250 (13-16) | 300 | 4500 | 4500 |
| Bláa lónið | 8990 | 8990 | Frítt (2 – 13) | 6990 | 6990 |
| Sky logoon | 6990 | 4995 (12-14) | XXXXXXXXX | 6990 | 6990 |
| Vök Egilsstöðum | 5500 | 1900 (6-16) | Frítt (0-5) | 3200 | 3200 |
| Sjóböðin Húsavík | 4900 | 2200 (6-16) | Frítt (0-5) | 3100 | 3100 |
| Secret lagoon | 3000 | 3000 | Frítt (0-14) | 2200 | 2200 |
| Hoffell Hornafirði | 1000 | 1000 | Frítt (0-8) | 1000 | 1000 |
| Fontana Laugavatni | 3950 | 2000 (13 -16) | Frítt(0-12) | 2000 | 2000 |