Formaður læknafélags Íslands, Steinunn Þórðardóttir, telur að fundur félagsins með samninganefnd ríkisins hafi gengið vel; hún horfir bjartsýn á morgundaginn og vonast að samningar náist svo ekkert verði af boðuðu verkfalli lækna, en þetta kemur fram á Vísi.
„Það er ekkert útilokað að þetta gangi. Þetta er allt að mjakast og við munum vonandi sjá á morgun hvort að báðir aðilar eru nokkurn veginn sáttir með útkomuna,“ segir Steinunn og bætir því við að aðallega sé nú verið að semja um betri vinnutíma fyrir lækna; þetta séu afar flóknir útreikningar:
„Þetta er stór breyting og það er mjög margt sem þarf að horfa til áður en maður getur tekið afstöðu til þess hvort þetta sé hagstætt fyrir báða aðila.“
Náist ekki samningar á fundinum í dag mun hefjast læknaverkfall á miðnætti; mun það standa til hádegis.
Verkfallið yrði nokkurnveginn með þessum hætti – fjóra virka daga vikunnar; næði til allra lækna hjá ríkinu – fyrir utan skurðlækna er semja sjálfir; komi til verkfalls verður svokölluð rauð mönnun frá miðnætti til hádegis; þar sem öllum afar brýnum erindum verður sinnt – en mögulegt er að öll skipulögð þjónusta geti riðlast.