- Auglýsing -
Í Vestmannaeyjum eru 48 manns í sóttkví eftir gestakomur um verslunarmannahelgina. Einstaklingar sem heimsóttu eyjar um síðustu helgi greindust með Covid-19 samkvæmt tilkynningu frá lögreglunni í Vestmannaeyjum og því hefur fjöldi íbúa verið settur í sóttkví.
Líkur eru taldar á því að fleiri verði skikkaðir í sóttkví eftir því sem smitrakningar Almannavarna halda áfram í dag. Ekkert smit er þó staðfest í Vestmannaeyjum í augnablikinu en aðgerðarstjórn þar hefur verið virkjuð og íbúar hvattir til að gæta að smitvörnum til að hefta úbreiðslu veirunnar.
Í vor kom upp hópsýking kórónuveirunnar í eyjum og grípa þurfti til harðra aðgerða þar sem tugir voru smitaðir og hundruð í sóttkví.