„Viðbögð Bæjarstjóra og Bæjarstjórnar Ísafjarðar eru fyrst og fremst mjög sorgleg. Sorgleg fyrir menningarlíf svæðisins og þá frábæru uppbygginu sem hefur átt sér stað á Flateyri,“ segir flateyringurinn Eyþór Jóvinsson sem haldið hefur utan um Gamanmyndahátíð Flateyrar síðastliðin ár. Útlit er fyrir að fjárskortur komi í veg fyrir að hátíðin verði aftur haldin og óttast Eyþór að henni verði ekki bjargað þar sem Ísafjarðabær vilji ekki hjálpa.
„Ég tel þetta mál fullrætt og sé hvorki ástæðu né tilefni til að standa í orðaskaki við þig frekar um þetta, það er einfaldlega mál að linni.“
Hátíðin varð fyrsta hátíðin sinnar tegundar á landinu en hún hefur að mestu farið fram í 80 ára gömlum bræðslutanki sem stendur á Sólbakka við Flateyri. Eyþór hefur ítrekað sóst eftir fjárstuðningi frá Ísafjarðarbæ til að tryggja framtíð hátíðarinnar og skilur ekkert í því hvers vegna þaðan fæst enginn stuðningur. „Ísafjarðarbær hefur ítrekað hafnað umsóknum okkar. Hvort sem það eru umsóknir til Bæjarráðs um samskonar stuðning og samning eins og aðrir menningaviðburðir fá frá bænum, eða til Atvinnu- og menningamálanefnd bæjarsins sem hefur ekki viljað styrkja okkur í gegnum hefðbundið umsóknarferli. Viðbrögð bæjarstjórans eru náttúrulega til skammar. Ísafjarðarbær stendur til boða að bjarga hátíðinni, en hafa ekki viljað það hingað til. – Hvað veldur veit ég ekki,“ segir Eyþór.
Í svari Birgis Gunnarssonar, bæjarstjóra á Ísafirði, til Eyþórs kemur fram að bærinn hafi úr takmörkuðu fjármagni að spila til að styrkja hátíðir enda ætti styrkur frá bæjarfélaginu ekki að vera afgerandi liður í því hvort hátíðini lifi eður ei. „Ég tel þetta mál fullrætt og sé hvorki ástæðu né tilefni til að standa í orðaskaki við þig frekar um þetta, það er einfaldlega mál að linni,“ sagði Birgir í svarinu.