- Auglýsing -
Breska netverslunin ASOS nýtur mikilla vinsælda hér á landi og núna verður auðveldara fyrir aðdáendur ASOS að nálgast sendingar sínar þegar þær koma til landsins.
Sendingar ASOS fást nú afhentar á sjö N1 bensínstöðvum. Þetta kemur fram í frétt Viðskiptablaðsins. Þar segir að N1 hefur samið við nýtt fyrirtæki, Dropp, og TVG Xpress sem sér m.a. um afhendingar fyrir ASOS, í þessari nýju þjónustu.
Þá geta íslenskir viðskiptavinir ASOS valið á hvaða N1 stöð þeir vilji sækja pakkann sinn. Þær N1-stöðvar sem hægt verður að fá ASOS pakka senda á eru í Borgartúni, á Hringbraut, Ártúnshöfða, Lækjargötu í Hafnarfirði, Háholti, Fossvogi, og Skógarseli.