Vilhjálmur Birgisson, verkalýðsforkólfur í Verkalýðsfélagi Akraness, kemur með tölfræði sem fær blóðið til að ólga í æðum launafólks. Tölurnar setur hann fram í færslu á Facebook.
„Ef persónuafslátturinn hefði fengið að fylgja verðlagi frá 1989 væri launafólk með 364.200 hærri perónuafslátt á ársgrundvelli.
Það hefur ekki staðið á stjórnvöldum í gegnum áratugina að verja verðtryggingu á fjárskuldbindingar sem heimilin þurfa að þola frá fjármálakerfinu, en þegar kemur að verðtryggja persónuafsláttinn, þá má launafólk éta það sem úti frýs.“
Hafa þónokkrir skrifað athugasemdir við færsluna og enn fleiri líkað við hana.
Linda skrifar stutta en skorinorta athugasemd.
„Þetta er rán.“
Jón Páll ber þetta saman við Noreg.
„Í Noregi er persónuafslátturinn 60.000nkr sem gerir rúmar 850.000kr á mann. Samanlagt hjá hjónum er hann yfir 1,7 milljónir. Er ekki alltaf talað um Norðurlöndin sem samanburðarlönd?“
Siggi er ósáttur við Bjarna Benediktsson, fjármálaráðherra.
„Það efast fáir, utan D liðsins, um þetta fjárhagslega ofbeldi Vellýgna Bjarna, sem hvergi er nærri hættur.“