Fyrrum forseti Íslands Ólafur Ragnar Grímsson skellti sér út að borða með vini sínum, stór leikaranum Michael Caine. Þessu er greint frá hjá vefútgáfu Daily Mail, Mail online í morgun.
Með þeim Ólafi Ragnari og Caine var eiginkona leikarans til 48 ára, Shakira. Brugðu þau undir sig betri fætinum og fóru út að borða á veitingahúsinu Oswalds í London, í gærkveldi. Líklega hafa fleiri verið með í för, jafnvel eiginkona Ólafs Ragnars, Dorrit en getið er um í grein Mail online að vinir hafi fylgt þeim hjónum þetta kvöld.
„Michael, sem gengur við staf, þurfti á aðstoð vinar síns Ólafs Ragnars Grímssonar, fimmta forseta Íslands sem gegndi embættinu frá 1996 til 2016, þegar þeir yfirgáfu veitingahúsið að máltíð lokinni“ segir þá í greininni, hér er um þýðingu að ræða á ummælum sem eru upphaflega á ensku.
Ástæða þess að Michael sem er 88 ára gamall, gengur við staf er sú að hann varð fyrir því óláni að renna á ís og snúa á sér ökklann árið 2018, stafinn hefur hann því þurft að styðjast við æ síðan.