Vopnaður exi og hníf og handtekinn í morgunsárið

Lögreglan á höfuðborgarsvæðinu fékk tilkynningu klukkan 5.39 í morgun um einstakling sem var vopnaður exi í austurhluta borgarinnar , inni á lokuðu vinnusvæði. Þá var hann einnig vopnaður hnífi og reyndist vera með fíkniefni í fórum sínum. Einstaklingurinn var handtekinn og vistaður í fangageymslu lögreglu.

Einnig var tilkynnt um fjögur innbrot í morgun, eitt í vesturborginni, annað í austurborginni og það þriðja í Kópavogi en þar hafði bifreið húsráðanda einnig verið tekin. Fjórða tilkynningin var um innbrot í nýbyggingu í Kópavogi.