Vopnaður maður barði á hurðir í Vesturbæ

Lögregla var kölluð út í gærkvöldi að fjölbýlishúsi í Vesturbæ Reykjavíkur. Tilkynnt var um mann í annarlegu ástandi með eggvopn í hendi sem barði á hurðir nágranna og hafði í hótunum.

Lögregla handtók manninn eftir langar viðræður. Hann var í fangageymslu lögreglu og er grunaður um brot á vopnalögum og ofbeldi gegn opinberum starfsmanni.