Lokað var fyrir ferðir almennings á gosstöðvarnar í Geldingadölum í gær vegna veðurs. Það er Sýslumaðurinn á Suðurnesjum sem tók þá ákvörðun í gærkvöld að meina fólki aðgang að svæðinu vegna veðurs. Gosmökkinn leggur til suðurs.
Þúsundir hafa lagt leið sína að að Fagradalsfjalli til að sjá gosið og upplifa þá ógnarkrafta sem þar búi. Lítið hefur verið um slys en nokkrir hafa dottið og meitt sig lítillega. Þá festist einn gosgesturinn við glóandi hraunið þegar hann steig út á það öðrum fæti til að sýna kjark sinn. Sá náði að losa sig úr skónum sem brann til ösku undir eldspúandi tindinum.
Bjart var á gosstöðvunum í morgun. Reiknað er með að fólki verið hleypt á svæðið síðdegis þegar veður gengur niður. Búist er við rysjóttu veðri og kulda um helgina.