Hið fullkomna „al dente“ pasta | Mannlíf

Gestgjafinn

Hið fullkomna „al dente“ pasta

Veist þú hvað al dente þýðir? Hugtakið kemur úr ítölsku og er oftast notað fyrir eldun á pasta. Bein þýðing á íslensku væri „undir tönn“. Fyrsta þekkta notkun orðsins er í kringum 1920, og er því þekkt hugtak í eldhúsi fagmannsins. Al dente áferðinni væri best lýst þannig að pastað er soðið en ennþá með smá bit undir tönn. Það getur verið þunn lína á milli þess að vera með hrátt eða ofeldað pasta. Ágætis þumalputtaregla til að ná al dente suðu á pasta er að taka um 20% af eldunartímanum sem stendur á pakkanum. Eins þá tekur ferskt pasta aldrei lengur en 1-3 mínútur í suðu.

Góð pastaráð:

Þegar þú klárar að elda pastað í sósunni fær það meira bragð og betri áferð.

Notaðu alltaf stóran víðan pott þegar þú sýður pasta, þá hefur pastað meira rými til að eldast og minnkar hættuna á því að vera með miseldað pasta.

Ekki vera hrædd/ur við að salta pastavatnið það gefur pastanu bragð. Á Ítalíu er talað um að vatn sem er notað til að sjóða pasta ætti að bragðast eins og sjórinn!

Ekki setja olíu í pastavatnið. Margir halda að það hjálpi pastanu að festast ekki saman, en það getur komið í veg fyrir að sósan festist við pastað.

Gott er að hræra reglulega í pastanu þegar það er í suðu, það kemur í veg fyrir að pastað festist saman.

Reyndu að koma í veg fyrir að láta kalt vatn renna á pastað eftir að það er soðið svo það festist ekki saman, settu frekar smá ólífuolíu út á pastað ef það þarf að bíða í smá stund áður en það fær á sig sósu.

Ef þú ert með grófa sósu eins og Bolognese er gott að velja pasta með grófri áferð eins og rigatoni og farfalle. Áferðin á pastanu hjálpar til við að grípa sósuna.

Veldu slétt pasta eins og spagettí og penne ef þú ert með kremaða sósu eða ostasósu.

Ertu með frétt?
Hefur þú skemmtilegt efni til að koma á framfæri?

Sjá einnig

Kaupa áskrift
Kaupa áskrift

Vinsæl íslensk og vegleg tímarit

Ef þú vilt tryggja þér glæsileg og vegleg tímarit, komdu í áskrift!

Kaupa áskrift

Lesa Mannlíf á netinu