Hrikalega góður og einfaldur laxaréttur | Mannlíf

Gestgjafinn

17 janúar 2019

Hrikalega góður og einfaldur laxaréttur

Lax er sælkerafæða sem hægt er að hafa hvort sem er spari eða hversdags. Þessi uppskrift er sérlega gómsæt og einföld þar sem allt er sett í eitt eldfast mót og inn í ofn. Hægt er að leika sér með hin ýmsu hráefni og bæta við. Stundum set ég ferskan smátt skorinn engifer saman við og smátt skorna sveppi. Hrísgrjón eru afar góð með réttinum en einnig er tilvalið að bera núðlur fram með honum.

Lax með kóríander og límónu
fyrir 3-4

800 g laxaflak
4 msk. olía
hnefafylli kóríander
1 límóna, börkur og safi
2 rauð chili-aldin
3 hvítlauksgeirar
1 dl teryaki-sósa
1 tsk. fiskisósa
4 msk. hoisin-sósa
svartur nýmalaður pipar
50 g kasjúhnetur

Hitið ofninn í 180°C. Þvoið og þerrið laxaflakið og penslið 1 msk. af olíu í eldfast mót. Leggið laxinn í mótið. Blandið öllu hráefninu saman nema hnetunum. Þekið laxaflakið með kryddjurtablöndunni og sáldrið hnetunum yfir. Bakið í u.þ.b. 15 mínútur eða þar til laxinn er tilbúinn. Berið fram með hrísgrjónum og salati.

Myndir / Aldís Pálsdóttir

Stílisti / Hanna Ingibjörg Arnarsdóttir

Ertu með frétt?
Hefur þú skemmtilegt efni til að koma á framfæri?

Sjá einnig

Kaupa áskrift
Kaupa áskrift

Tryggðu þér áskrift

Ef þú vilt tryggja þér glæsileg og vegleg tímarit, komdu í áskrift!

Kaupa áskrift

Lesa Mannlíf á netinu

Sími 515-5500

askrift@birtingur.is

auglysingar@birtingur.is

ritstjorn@birtingur.is