Fimmtudagur 28. mars, 2024
0.8 C
Reykjavik

Kaffikaka með hlynsírópskremi

VefTv

- Auglýsing -

Hlaðvörp

- Auglýsing -

Þessi kaka er ein af mínum uppáhalds og ég reyni iðulega að finna tækifæri til að bera hana fram. Hún er sérstaklega tíguleg þegar notað er hringlaga og mynstrað formkökuform en þó má nota hringlaga form, tvö hefðbundin formkökuform eða 33x 23 cm kassalaga form.

Kaffikaka með hlynsírópskremi
16-20 sneiðar

Í þessa uppskrift var notað 25 cm hringlaga mynstrað formkökuform, þau fást í sérverslunum. Ef slíkt form er ekki til má nota einfaldan hring. Einnig má nota tvö hefðbundin formkökuform eða 13×9 cm kassalaga form.

380 g hveiti
2 tsk. lyftiduft
½ tsk. matarsódi
½ tsk. salt
250 g ósaltað smjör, við stofuhita
330 g sykur
3 egg
2 tsk. vanilludropar
300 g sýrður rjómi

Smyrjið formið með olíu og sáldrið hveiti ofan í og bankið svo hveitið aðeins úr. Hrærið saman hveiti, lyftiduft, matarsóda og salt í skál og setjið til hliðar. Þeytið smjör og egg í hrærivél þar til það verður létt og loftkennt, u.þ.b. 4-5 mín. Bætið eggjunum saman við, einu í einu og hrærið vel á milli. Bætið vanilludropum saman við og hrærið vel. Bætið sýrða rjómanum saman við og þeytið saman. Stoppið vélina og klárið að blanda allt saman með sleikju. Bætið þurrefnunum saman við og hrærið á lægstu stillingu þar til allt hefur blandast saman. Klárið að blanda saman með sleikju svo engir þurrir hveitiblettir verði eftir. Setjið helminginn af deiginu í formið með skeið. Sáldrið ⅔ af pekanhnetublöndunni yfir, setjið restina af deiginu yfir og sáldrið síðan afganginum af hnetublöndunni yfir. Dragið hnífsblað fram og aftur um deigið til að fá marmaraáferð í kökuna. Bakið í miðjum ofni í 45-55 mín. eða þar til kökuprjónn sem stungið er í kökuna kemur hreinn út. Takið kökuna úr ofninum og látið kólna í 10 mín. á grind, snúið síðan forminu við og látið kólna í 5 mín. Athugið hvort kakan hafi losnað úr forminu ef ekki þá skal juða og tosa létt sundur formið, þetta þarf að gera mjög varlega svo kakan detti ekki í sundur en þetta á mest við ef notað er hringlaga skrautform. Látið kökuna kólna alveg áður en kremið er sett á hana. Kökuna má geyma vandlega innpakkaða í plastfilmu í ísskáp í 2 daga eða í frysti í u.þ.b. 1 mánuð.

Pekanhnetumulningur:
100 g púðursykur
50 g hveiti
2 tsk. kanill
1 msk. kakó
½ tsk. salt
50 g smjör, skorið í litla bita
50 g fínsaxaðar pekanhnetur

Hrærið saman púðursykur, hveiti, kanil, kakó og salt. Bætið smjörinu saman við og myljið niður með fingrunum og nuddið því saman við blönduna. Bætið pekanhnetunum út í og nuddið saman þar til allt hefur blandast vel og líkist grófkenndu mjöli. Setjið til hliðar.

- Auglýsing -

Hlynsírópskrem:
120 g flórsykur
1 dl hlynsíróp

Hrærið saman með gaffli þar til blandan er kekkjalaus og seigfljótandi. Hellið yfir kökuna og sáldrið litlu hnefafylli af söxuðum pekanhnetum yfir.

Mynd / Hákon Davíð Björnsson
Stílisti / Hanna Ingibjörg Arnarsdóttir

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -