Matarmikið salat | Mannlíf

Gestgjafinn

21 október 2018

Matarmikið salat

Brakandi ferskt grænmeti og kryddjurtir eru lykillinn að góðu salati og síðan er nauðsynlegt að bæta góðu prótíni og gómsætri salatsósu við. Þegar gesti ber að garði eru salöt góður kostur til að bjóða upp á.

Marokkóskt kjúklingasalat
fyrir 4
Í þetta salat má gjarnan nota annað grænmeti, t.d. sætar kartöflur, rófur eða hnúðkál.

Kryddlögur fyrir kjúkling

3 msk. olía
2 msk. ferskt engifer, fínt rifið
2 tsk. gróft salt
2 tsk. kumminduft
1 tsk. svartur pipar
1 tsk. túrmerik
1 tsk. kanill
1 tsk. paprikuduft
safi úr 1 sítrónu
600 g kjúklingabringur, skornar í sneiðar

Blandið öllu saman og látið kjúklingabringurnar liggja í kryddleginum í að minnsta kosti 1 klukkustund, helst yfir nótt.

1 hnetugrasker (butternut squash)
1 rauðrófa
2 msk. olía
1-2 tsk. salt
1 búnt salat, t.d. romaine eða blandað salat
hnefafylli spínat
hnefafylli fersk mynta, gróft skorin
2 stórar lárperur eða 4 litlar, skornar í grófa bita
2 msk. sítrónusafi
6-8 döðlur, gróft skornar
2-3 gulrætur, þunnt skornar
1 dl ristaðar möndluflögur
½ -1 dl þurrkuð trönuber

Stillið ofn á 200°C. Afhýðið hnetugrasker og rauðrófu og skerið í bita. Veltið upp úr olíu og salti og bakið í ofninum í um það bil 20 mínútur eða þar til grænmetið er eldað í gegn. Látið kólna. Skerið salatið gróft og setjið á fallegan disk ásamt spínati og myntu. Dreifið ofnsteikta grænmetinu yfir. Veltið lárperubitunum upp úr sítrónusafa og bætið við ásamt döðlum, gulrótum, ristuðum möndluflögum og trönuberjum. Dreypið salatsósunni yfir rétt áður en salatið er borið fram.

Salatsósa
2-3 tsk. dijon-sinnep
5 msk. eplaedik
2-4 msk. sítrónusafi
sjávarsalt og nýmalaður svartur pipar
1 dl bragðlítil olía

Setjið allt hráefnið, nema olíuna, í matvinnsluvél eða blandara. Látið vélina ganga og hellið olíunni saman við í lítilli bunu. Eins er hægt að nota písk og píska hratt og vel á meðan olíunni er hellt saman við.

Umsjón / Kristín Dröfn Einarsdóttir
Myndir / Ernir Eyjólfsson
Stílisti / Hanna Ingibjörg Arnarsdóttir

Ertu með frétt?
Hefur þú skemmtilegt efni til að koma á framfæri?

Sjá einnig

Gestgjafinn

fyrir 5 dögum

Vinsælar þrúgur

Lesa meira
Kaupa áskrift
Kaupa áskrift

Tryggðu þér áskrift

Ef þú vilt tryggja þér glæsileg og vegleg tímarit, komdu í áskrift!

Kaupa áskrift

Lesa Mannlíf á netinu

Sími 515-5500

askrift@birtingur.is

auglysingar@birtingur.is

ritstjorn@birtingur.is