Tómat- og kapers-linguine með þistilhjörtum | Mannlíf

Tómat- og kapers-linguine með þistilhjörtum

Gestgjafinn

3 desember 2017

Skemmtileg útfærsla á hinu hefðbundna tómat spagettí.

Sjóðið pastað þar til það er al dente.

Tómat- og kapers-linguine með þistilhjörtum er bæði fljótlegur og einfaldur pastaréttur; skemmtileg útfærsla á hinu hefðbundna tómat spagettí með parmesan osti þar sem þistilhjörtun og kapersinn koma með ný brögð. Það má alltaf skipta úr linguine fyrir spagettí og eins mætti nota heilveitipasta til að auka trefjarnar.

Tómat- og kapers-linguine með þistilhjörtum (15 mínútur)
fyrir 4

Hér er hægt að skipta út linguine-pasta fyrir spagettí.
400 g linguine-pasta
1 msk. ólífuolía
425 g tómat-passata í krukku
6 tsk. kapers
börkur af ½ sítrónu, rifinn
1 box kokteiltómatar
1 krukka þistilhjörtu í olíu
1 hnefafylli af ferskri basilíku, blöðin tekin af greininni
parmesanostur

Sjóðið pastað þar til það er al dente punktana. Hitið 1 msk. af ólífuolíu á miðlungspönnu og hellið tómat-passata- sósunni ásamt kapers á pönnuna. Gott er að skola kapersinn undir köldu vatni í sigti áður. Rífið niður börk af ½ sítrónu út á tómatsósuna og smakkið til með salti og pipar. Skerið kokteiltómatana í tvennt og sigtið þistilhjörtun frá olíunni og skerið í grófa bita og blandið, ásamt kokteiltómötunum, saman við tómatsósuna. Setjið basilíkulaufin saman við.

Þegar pastað er soðið er það sigtað frá vatninu og blandað saman við tómatblönduna á pönnunni. Berið pastað fram með rifnum parmesanosti.

Umsjón / Folda Guðlaugsdóttir
Myndir / Aldís Pálsdóttir
Stílisti / Hanna Ingibjörg Arnarsdóttir

Gestgjafinn

fyrir 1 viku

Paprikur eru lostæti

Lesa meira
Kaupa áskrift
Kaupa áskrift

Tryggðu þér áskrift

Ef þú vilt tryggja þér glæsileg og vegleg tímarit, komdu í áskrift!

Kaupa áskrift

Lesa Mannlíf á netinu

Sími 515-5500

askrift@birtingur.is

auglysingar@birtingur.is

ritstjorn@birtingur.is

Velkomin. Mannlíf notar vafrakökur. Sjá nánar.