Brjóstastækkanir vinsælustu lýtaaðgerðirnar | Mannlíf

Erlent

Brjóstastækkanir vinsælustu lýtaaðgerðirnar

Félag lýtalækna í Bandaríkjunum er búið að gefa út tölur yfir fjölda lýtaaðgerða árið 2017 þar í landi. Hafa vinsældir þeirra aukist örlítið á milli ára, eða um tvö prósent.

Vinsælasta lýtaaðgerðin vestan hafs er brjóstastækkun, en alls voru rúmlega þrjú hundruð þúsund brjóstastækkunaraðgerðir framkvæmdar árið 2017. Þess má geta að 11% fleiri brjóstaminnkunaraðgerðir voru framkvæmdar í Bandaríkjunum árið 2017 miðað við árið 2016.

Í öðru sæti er fitusog, en tæplega 250 þúsund slíkar aðgerðir voru framkvæmdar á síðasta ári, 5% meira en árið 2016. Nefaðgerðir verma síðan þriðja sætið, en rétt tæplega 220 þúsund slíkar aðgerðir voru framkvæmdar árið 2017.

Í fjórða sæti eru aðgerðir á augnlokum og í fimmta sæti eru svuntuaðgerðir svokallaðar.

Í tölum félagsins er einnig tekið fram að minni aðgerðum hafi fjölgað umtalsvert, en þá er verið að tala um hluti eins og Botox-sprautur og önnur fyllingarefni. Slíkum aðgerðum fjölgaði um tvö hundruð prósent á milli ára og af þeim 17,5 milljónir aðgerða sem framkvæmdar voru árið 2017 voru sextán milljónir þeirra minni aðgerðir eins og varafyllingar og Botox.

Ertu með frétt?
Hefur þú skemmtilegt efni til að koma á framfæri?

Sjá einnig

Kaupa áskrift
Kaupa áskrift

Vinsæl íslensk og vegleg tímarit

Ef þú vilt tryggja þér glæsileg og vegleg tímarit, komdu í áskrift!

Kaupa áskrift

Lesa Mannlíf á netinu