Fimmtudagur 28. mars, 2024
0.8 C
Reykjavik

Dóttir Luke Perry hefur fengið sig fullsadda af gagnrýni

VefTv

- Auglýsing -

Hlaðvörp

- Auglýsing -

Dóttir leikarans Luke Perry hefur fengið mikla athygli á samfélagsmiðlum eftir að faðir hennar lést 4. mars. Margt fólk finnur að því hvernig hún syrgir pabba sinn.

Leikarinn Luke Perry, sem var þekktastur fyrir leik sinn í sjónvarpsþáttunum Beverly Hills 90210, lést fyrr í mánuðinum eftir að hafa fengið slag. Hann varð 52 ára og skildi eftir sig unnustu og tvö börn. Annað barna hans er hin 18 ára Sophie Perry.

Í nýrri færslu á samfélagsmiðlum greinir Sophie frá því að eftir því að pabbi hennar lést hefur hún fengið mikla athygli á samfélagsmiðlum og ótal skilaboð. Flest skilaboðanna hafa verið á jákvæðum nótum að hennar sögn. Sum skilaboðanna hafa þó verið neikvæð þar sem fólk hefur fundið sig knúið til að gagnrýna hana fyrir það hvernig hún tjáir sig á samfélagsmiðlum eftir andlát föður síns. Þá hefur hún verið gagnrýnd fyrir að virka „of glaðleg“. Hún hefur fengið sig fullsadda af þessari gagnrýni.

En ég ætla ekki að sitja inni í herbergi og gráta allan daginn.

„Sumir geta bara ekki verið almennilegir,“ skrifar hún meðal annars í færslu á Instagram. „Ég er hér til að segja að ég bað ekki um þessa athygli.“

Hún heldur áfram: „Ég mun hlæja og brosa og lifa lífinu. Já, ég er sár og leið. Ég græt og er utan við mig vegna þess sem kom fyrir pabba minn. Þetta er það versta sem hefur komið fyrir mig á ævinni. En ég ætla ekki að sitja inni í herbergi og gráta allan daginn þar til Internetið álítur að það sé viðeigandi fyrir mig að gera eitthvað annað.“

Að lokum biður hún það fólk sem finnur að því hvernig hún syrgir föður sinn um að hætta að fylgjast með henni á samfélagsmiðlum.

Færslu Sophie má sjá hér fyrir neðan:

- Auglýsing -

https://www.instagram.com/p/Bu4fYWRAL5H/

Mynd / Skjáskot af Instagram

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -