Hver verður persóna ársins hjá TIME? | Mannlíf

Erlent

Hver verður persóna ársins hjá TIME?

Hvern mun tímaritið TIME velja sem persónu ársins 2018? Christine Blasey Ford og Brett Brett Kavanaugh virðast vera meðal þeirra sem koma til greina.

Árlega frá árinu 1927 hefur tímaritið TIME valið mann ársins eða persónu ársins. Í desember verður tilkynnt hver hreppir titilinn í ár en þessa stundina stendur yfir kosning á vef TIME. Með kosningunni vill ritstjórn fá álit almennings þrátt fyrir að endanlegt val sé í höndum ritstjórnar TIME.

Í síðustu viku birtist samantekt á vef TIME yfir fólk sem gæti komið til greina sem persóna ársins 2018. Þar er fjallað um Christine Blasey Ford, konuna sem steig fram og sakaði Brett Kavanaugh um að hafa beitt sig kynferðislegu ofbeldi þegar hún var 15 ára. Hæstaréttardómarinn Brett Kavanaugh er einnig nefndur. Nancy Pelosi, leiðtogi demókrata í fulltrúadeild á Bandaríkjaþingi, og Meghan Markle, hertogaynjan af Sussex, eru einnig nefndar svo nokkur dæmi séu tekin.

Þess má geta að í fyrra var það fólkið sem tók þátt í #meetoo-byltingunni og töluðu opinskátt um kynferðisofbeldi sem var valið „persóna ársins.“ Árið áður var það Donald Trump.

Almenningur getur gefið sitt álit í kosningu á vef Time.

Mynd / Af vef TIME

Ertu með frétt?
Hefur þú skemmtilegt efni til að koma á framfæri?

Sjá einnig

Kaupa áskrift
Kaupa áskrift

Vinsæl íslensk og vegleg tímarit

Ef þú vilt tryggja þér glæsileg og vegleg tímarit, komdu í áskrift!

Kaupa áskrift

Lesa Mannlíf á netinu