Lady Gaga og Madonna hafa loksins náð sáttum | Mannlíf

Lady Gaga og Madonna hafa loksins náð sáttum

Erlent

26 febrúar 2019

Lady Gaga og Madonna virðast verða orðnar vinkonur ef marka má samskipti þeirra í eftirpartýi eftir Óskarsverðlaunahátíðina á sunnudaginn.

Tónlistarkonurnar Lady Gaga og Madonna hafa eldað grátt silfur saman allt frá árinu 2012, frá því að Madonna bað fólk um að varast eftirlíkingar og gaf í skyn að Lady Gaga reyndi að líkjast sér í einu og öllu. Þá benti hún á að lag Gaga, Born This Way, væri nauðalíkt hennar eigin lagi, laginu Express Yourself frá árinu 1989.

Lady Gaga gaf lítið út á þessa gagnrýni og vildi meina að Madonna væri afbrýðisöm. Í öll þessi ár hafa þær svo gagnrýnt hvor aðra reglulega í fjölmiðlum.

Á sunnudaginn hlaut Gaga Óskarinn fyrir besta frumsamda lagið, lagið Shallow úr kvikmyndinni A Star Is Born. Eftir hátíðina fór hún svo í eftirpartý á vegum Madonnu þar sem allt lék í lyndi og Madonna virtist samgleðjast henni innilega.

Margir ráku upp stór augu þegar þær féllust í faðma og létu mynda sig saman.

Myndinni deildi Madonna á Twitter.


Mynd / Twitter

Kaupa áskrift
Kaupa áskrift

Tryggðu þér áskrift

Ef þú vilt tryggja þér glæsileg og vegleg tímarit, komdu í áskrift!

Kaupa áskrift

Lesa Mannlíf á netinu

Sími 515-5500

askrift@birtingur.is

auglysingar@birtingur.is

ritstjorn@birtingur.is

Velkomin. Mannlíf notar vafrakökur. Sjá nánar.