Lét „fótósjoppa“ látinn unnustann inn á myndirnar | Mannlíf

Erlent

Lét „fótósjoppa“ látinn unnustann inn á myndirnar

Hin bandaríska Debbie Gerlach vildi minnast látins unnusta síns með því að fara í myndatöku skömmu fyrir daginn sem átti að verða brúðkaupsdagurinn þeirra. Hún lét svo „fótósjoppa“ unnustann inn á myndirnar.

Þann 11. nóvember ætluðu þau Debbie Gerlach og Randy Zimmerman að ganga í hjónaband. En í febrúar á þessu ári breyttist tilvera Debbie þegar Randy lést í mótorhjólaslysi.

En þrátt fyrir fráfall unnusta hennar ákvað Debbie að fara í myndatöku í brúðarkjólnum rétt fyrir daginn sem átti að verða stóri dagurinn þeirra. Debbie fékk ljósmyndarann Kristie Fonseca með sér í lið sem myndaði hana líkt og að um brúðkaupsmyndatöku væri að ræða. Svo tók hún gamlar myndir af Randy og „fótósjoppaði“ hann inn á myndirnar.

Fonseca sagði í viðtali við Yahoo Lifestyle að Debbie hefði staðið sig vel fyrir framan myndavélina og hafi ekki átt í neinum vandræðum með að setja sig í stellingar sem auðvelt var að vinna með.

Myndirnar hafa vakið mikla athygli síðan Fonseca birti þær á vef sínum. Þá birti Debbie þær einnig á Facebook ásamt hjartnæmri kveðju. „Dagurinn í dag átti að verða dagurinn sem mig hefur dreymt um síðan ég var lítil stelpa. En í dag vaknaði ég ein, eins og ég geri á hverju degi,“ skrifaði hún meðal annars.

Ertu með frétt?
Hefur þú skemmtilegt efni til að koma á framfæri?

Sjá einnig

Kaupa áskrift
Kaupa áskrift

Vinsæl íslensk og vegleg tímarit

Ef þú vilt tryggja þér glæsileg og vegleg tímarit, komdu í áskrift!

Kaupa áskrift

Lesa Mannlíf á netinu