Mikill áhugi á margnota röri sem hægt er að tyggja á | Mannlíf

Erlent

1 nóvember 2018

Mikill áhugi á margnota röri sem hægt er að tyggja á

Þrír frumkvöðlar hafa hannað margnota drykkjarrör sem hægt er að tyggja á. Áhugi fólks á rörinu leynir sér ekki og hafa þremenningarnir safnað tveimur milljónum króna á nokkrum dögum.

Plastmengun í náttúrunni hefur verið mikið í umræðunni undanfarið og margt fólk er farið að gera hvað sem það getur til að draga úr plastnotkun, svo sem nota fjölnota innkaupapoka í staðin fyrir plastpoka og sleppa því að nota plaströr.

Sumum þykir þó ómissandi að nota drykkjarör og þá koma margnota rör sér vel. Þrír hönnuðir og frumkvöðlar frá Singapore hafa lagt sitt af mörkum í stríðinu gegn plasti og hannað margnota drykkjarrör sem auðvelt er í notkun.

Þeir Lim Jing Jie, Tommy Cheong og Kevin Yeo hafa hannað plaströr sem þeir segja vera handhægara og þægilegra í notkun heldur er öll önnur margnota rör sem eru á markaði þessa stundina.

Það sem gerir þeirra rör einstakt að þeirra mati er sílíkonendinn sem er á rörinu. Þann enda er hægt að tyggja á. Í viðtali við Business Insider segja hönnuðirnir að ástæðan fyrir sílíkonendanum sé sú að margt fólk tyggur á drykkjarörinu sínu ómeðvitað.

Lim segir að þegar þeir þremenningar hafi kynnt hugmyndina að rörinu, sem þeir kalla Chew Inc., fyrst fyrir vinum sínum hafi fólk orðið mjög spennt. „Og þá vissum við að við hefðum hitt í mark,“ sagði Lim.

En það er ekki bara rörið sem er einstakt að mati hönnuðanna heldur eru umbúðirnar það líka. Rörinu á að vera afar einfalt að pakka saman í umbúðirnar og það loftar vel um þannig að rörið þornar hratt og örugglega.

Lock it in place with a *click*

Þremenningarnir settu sér það markmið að safna upphæð sem nemur um 1,7 milljónum íslenskra króna fyrir framleiðslukostnaði á Kickstarter. Þeir náðu markmiðinu á innan við viku. Núna hafa þeir safnað upphæð sem nemur um rúmum tveimur milljónum króna og enn eru 21 dagur eftir af söfnuninni. Það er því ljóst að áhuginn á rörinu er mikill.

Myndir / Söfnunarsíða Chew Inc.

Ertu með frétt?
Hefur þú skemmtilegt efni til að koma á framfæri?

Sjá einnig

Erlent

fyrir 4 dögum

Karl Lagerfeld er látinn

Lesa meira
Kaupa áskrift
Kaupa áskrift

Tryggðu þér áskrift

Ef þú vilt tryggja þér glæsileg og vegleg tímarit, komdu í áskrift!

Kaupa áskrift

Lesa Mannlíf á netinu

Sími 515-5500

askrift@birtingur.is

auglysingar@birtingur.is

ritstjorn@birtingur.is