Peter Jackson leikstýrir nýrri heimildarmynd um Bítlana | Mannlíf

Erlent

30 janúar 2019

Peter Jackson leikstýrir nýrri heimildarmynd um Bítlana

Leikstjórinn Peter Jackson mun sjá um að leikstýra nýrri heimildarmynd um Bítlana. Myndin fjallar um gerð seinustu plötu Bítlanna, Let It Be.

Peter Jackson tekst nú á við ansi stórt verkefni en hann vinnur með 55 klukkustundir af áður óséðu myndefni sem tekið var í upptökuveri árið 1969. Paul McCartney, Ringo Starr, Yoko Ono og Olivia Harrison eru Jackson innan handar við gerð myndarinnar. Þetta kemur fram á vef Pitchfork.

Það var breski leikstjórinn og sjónvarpsmaðurinn Michael Lindsay-Hogg  sem tók myndefnið upp á sínum tíma fyrir heimildarmyndina Let It Be sem kom út árið 1970. Jackson mun vinna úr því myndefni sem Hogg notaði ekki í upprunalegu myndina.

Jackson vil meina að myndin gefi áhorfendum tækifæri til að „vera fluga á vegg í upptökuveri“ hjá Bítlunum og að myndin sé eins og tímavél sem flytji fólk aftur til ársins 1969.

Jackson er himinlifandi með þetta verkefni. „Að hafa skoðað þetta efni sem Michael Lindsay-Hogg tók 18 mánuðum áður en Bítlarnir hættu, þetta er einfaldlega ótrúleg söguleg fjársjóðskista.“

Platan Let It Be kom út í maí árið 1970, um einum mánuði eftir að Bítlarnir hættu. Platan var tólfta og síðasta platan sem hljómsveitin gaf út.

 

 

Ertu með frétt?
Hefur þú skemmtilegt efni til að koma á framfæri?

Sjá einnig

Erlent

fyrir 5 dögum

Karl Lagerfeld er látinn

Lesa meira
Kaupa áskrift
Kaupa áskrift

Tryggðu þér áskrift

Ef þú vilt tryggja þér glæsileg og vegleg tímarit, komdu í áskrift!

Kaupa áskrift

Lesa Mannlíf á netinu

Sími 515-5500

askrift@birtingur.is

auglysingar@birtingur.is

ritstjorn@birtingur.is