Fimmtudagur 28. mars, 2024
0.8 C
Reykjavik

Icelandair leggur 737 Max vélunum

VefTv

- Auglýsing -

Hlaðvörp

- Auglýsing -

Icelandair mun ekki fljúga nýjum Boeing 737 Max flugvélum sínum þangað til búið verður að ganga úr skugga um að öryggi þeirra sé tryggt. Flugfélög og stjórnvöld víða um heim höfðu ákveðið að kyrrsetja vélar af þessari tegund áður en Icelandair tók sína ákvörðun.

Spurningar hafa vaknað um öryggi Boeing 737 Max vélanna eftir mannskætt flugslys í Eþíópíu í gær. Allir 157 um borð létust. Þetta er annað flugslysið á skömmum tíma þar sem flugvél af þessari tegund fellur til jarðar, en flugvél Lion Air hrapaði í Jövuhaf undan ströndum Indónesíu í október. Ekki eru nema tvö ár síðan Boeing 737 Max flugvélar voru teknar í notkun.

Í tilkynningu frá Icelandair segir að félagið hafi ákveðið að taka flugvélarnar úr rekstri um óákveðinn tíma. Engu að síður telur félagið að vélarnar séu öruggar. Þessi ráðstöfun mun hafa óveruleg áhrif á rekstur félagsins þar sem um að að ráða þrjár vélar af 33 farþegavélum í flota þess.

Allt fram að tilkynningunni var það afstaða Icelandair að flugvélarnar væru öruggar og að ekki væri ástæða til að kyrrsetja vélarnar. Það sem hefur gerst í millitíðinni er að bresk stjórnvöld ákváðu að heimila ekki notkun þessara véla í sinni lögsögu og norska flugfélagið Norwegian ákvað að leggja sínum vélum.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -