Fimmtudagur 28. mars, 2024
0.8 C
Reykjavik

Mannlíf og Albumm.is í samstarf

VefTv

- Auglýsing -

Hlaðvörp

- Auglýsing -

Mannlíf eykur umfjöllun um íslenska tónlist og menningu í samstarfi við Albumm.is

„Mannlíf hefur frá upphafi lagt mikið upp úr gæðum í efnistökum og gert menningu, listum og dægumálum góð skil og þetta samstarf er liður í því að auka það síðarnefnda. Einkum og sér í lagi umfjöllun Mannlífs um tónlist. Við erum þar af leiðandi mjög ánægð með þessa viðbót og hlökkum til framhaldsins,” segir Roald Eyvindsson útgáfustjóri Mannlífs um samstarfið við tónlistar- og menningarvefinn Albumm.is, en samstarfið felur í sér að fréttir frá Albumm.is munu rata í blað Mannlífs, sem kemur út vikulega á hverjum föstudegi og á vef Mannlífs, man.is.

Steinar Fjeldsted, sem er ásamt Sigrúnu Guðjohnsen eigandi og stofnandi Albumm.is, tekur í sama streng. Hann segir sam­starfs­verk­efnið vera gott tæki­færi til að auka enn frekar sýnileika Albumm.is. „Við verðum með efni í blaðinu Mannlíf sem dreift í 80.000 eintökum á höfuðborgarsvæðinu og svo munu fréttir frá Albumm rata daglega á mannlíf.is. Við erum hæstánægð með það.”

Albumm.is hóf göngu sína 23. október 2014 og hefur síðan þá kappkostað við að fjalla ítarlega um íslenska tónlist og menningu. Steinar segir vefinn standa á ákveðnum tímamótum því auk samstarfsins við Mannlíf þá muni Albumm.is opna með breyttu útliti og áherslum á laugardag og verður hvorutveggja fagnað með tónlist, veitingum og fljótandi veigum á Blacbox Pizzeria í Borgartúni sama dag.

Á meðal efnis frá Abumm.is í nýjasta tölublaði Mannlíf má nefna viðtal við leikkonuna Anítu Briem, umfjallanir um ýmsa listtengda viðburði og það nýjasta sem er að gerast í íslenskri tónlistarsenu í dag. Auk þess eru í blaðinu vandaðar greinar um hönn­un, fasteignir, ferða­lög, tísku, mat og drykk, fréttaskýringar og viðtöl við áhugavert fólk.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -