Evrópurtúr og stuttskífusería | Mannlíf

Innlent

Evrópurtúr og stuttskífusería

Hljómsveitin Fufanu gerir það gott.

Íslenska hljómsveitin Fufanu sem skipuð er þeim Kaktusi Einarssyni, Guðlaugi Einarssyni og Erling Bang hefur verið að gera það gott að undanförnu; sendi frá sér fjögur ný lög í vor og hefur verið á tónleikaferð um Evrópu í sumar.

Stuttskífan (EP) með lögunum fjórum heitir Dialogue I og er sú fyrsta í þriggja stuttskífa seríu frá sveitinni; Dialogue I-II-III. Þessi fyrsta hefur að geyma lögin My new trigger, Listen to me, Hourglass og Ninetwelve.

Áður hefur hljómsveitin sent frá sér plöturnar, Few More Days To Go, Adust To The Light EP og nú síðast Sports sem kom út í byrjun árs 2017 og fylgt var eftir með langri tónleikaferð.

Á heimasíðu Fufanu segja meðlimir sveitarinnar að þegar þeir hafi snúið aftur Íslands eftir ferðina hafi þeir verið með fullt af lögum í bakpokanum sem þeir sömdu í ferðinni án þess að vera með einhverja ákveðna stefnu í huga. Hver Dialogue-stuttskífa sé tilraun til að tjá mismunandi tónlistarlegar hliðar, meðal annars post-punk, alt-teknó og tilraunakennda raftónlist. Næstu tónleikar Fufanu verða í Berlín þann 16. ágúst og í Austurríki þann 18. ágúst.

Ertu með frétt?
Hefur þú skemmtilegt efni til að koma á framfæri?

Sjá einnig

Kaupa áskrift
Kaupa áskrift

Vinsæl íslensk og vegleg tímarit

Ef þú vilt tryggja þér glæsileg og vegleg tímarit, komdu í áskrift!

Kaupa áskrift