Guðrún endurkjörin formaður Samtaka iðnaðarins | Mannlíf

Guðrún endurkjörin formaður Samtaka iðnaðarins

Innlent

7 mars 2019

Guðrún Hafsteinsdóttir var endurkjörin formaður Samtaka iðnaðarins.

Á aðalfundi Samtaka iðnaðarins í morgun var Guðrún Hafsteinsdóttir, Kjörís, endurkjörin formaður með 95,90% greiddra atkvæða. Guðrún verður formaður Samtaka iðnaðarins fram til Iðnþings 2020. Alls gáfu sjö kost á sér til almennrar stjórnarsetur og var kosið um fjögur sæti. Guðrún var fyrst kjör­in formaður sam­tak­anna árið 2014.

Þeir sem setjast í stjórn Samtaka iðnaðarins til næstu tveggja ára:

Ágúst Þór Pétursson, húsasmíðameistari
Guðrún Halla Finnsdóttir, verkefnastjóri viðskiptaþróunar Norðuráls
Magnús Hilmar Helgason, framkvæmdastjóri Launafls í Fjarðabyggð
Sigurður R. Ragnarsson, forstjóri ÍAV
Sigurður situr áfram í stjórn en nýir eru Ágúst Þór, Guðrún Halla og Magnús Hilmar. Úr stjórn fara Katrín Pétursdóttir – Lýsi, Lárus Andri Jónsson – Rafþjónustan og Ragnar Guðmundsson – Norðurál.

Fyrir í stjórn Samtaka iðnaðarins eru:
Árni Sigurjónsson – Marel
Birgir Örn Birgisson – Pizza-Pizza
Egill Jónsson – Össur
María Bragadóttir – Alvogen Iceland
Valgerður Hrund Skúladóttir – Sensa

Íslenskur iðnaður í fortíð, nútíð og framtíð var yfirskrift Iðnþingsins og var þess minnst að 25 ár eru liðin frá stofnun Samtaka iðnaðarins.

Á þinginu fluttu ávörp Guðrún Hafsteinsdóttir, formaður Samtaka iðnaðarins, Guðni Th. Jóhannesson, forseti Íslands, og Þórdís Kolbrún Reykfjörð Gylfadóttir, ferðamála-, iðnaðar- og nýsköpunarráðherra. „Það er ekki bara að Samtök iðnaðarins fagni 25 ára afmæli á þessu ári, Samtök atvinnulífsins fagna 20 ára afmæli og Landssamtök lífeyrissjóða fagna 50 ára afmælis lífeyriskerfisins. Það hefur mikið áunnist á þessum tíma. Alvöru árangur sem við þurfum að standa vörð um,“ sagði Guðrún meðal annars í ávarpi sínu.

Mynd / Samtök iðnaðarins

Kaupa áskrift
Kaupa áskrift

Tryggðu þér áskrift

Ef þú vilt tryggja þér glæsileg og vegleg tímarit, komdu í áskrift!

Kaupa áskrift

Lesa Mannlíf á netinu

Sími 515-5500

askrift@birtingur.is

auglysingar@birtingur.is

ritstjorn@birtingur.is

Velkomin. Mannlíf notar vafrakökur. Sjá nánar.