„Hann snerti mig afar ákveðið, glotti og hló“ | Mannlíf

Innlent

4 febrúar 2019

„Hann snerti mig afar ákveðið, glotti og hló“

Búið er að birta 23 sögur um Jón Baldvin Hannibalsson á vefnum metoo-jonbaldvin.blog.is.

„Hér er að finna 23 nafnlausar sögur þolenda af kynferðisbrotum og áreiti Jóns Baldvins Hannibalssonar sem ná yfir nær 60 ár. Við viljum gera þær opinberar í anda þeirrar bylgju sem farið hefur yfir heiminn og sameinar konur þegar þær segja:  Ég líka – Me too! Við viljum að það samfélag sem hefur litið undan þrátt fyrir að kynferðisbrot hans hafi verið gerð opinber geti nú lesið þær reynslusögur sem er okkar sannleikur. Þannig viljum við frelsa okkur frá þeirri þjáningu sem samskipti við hann hafa valdið okkur í áratugi. Við erum frelsinu fegnar,“ segir í yfirlýsingu á vefnum metoo-jonbaldvin.blog.is sem opnaði í morgun.

Á vefnum er að finna 23 sögur um meint kynferðisbrot Jóns Baldvins. Sögurnar ná yfir tæplega 60 ára tímabil.

„Maður var nú svo grænn á þessum tíma að maður var nú ekki að klaga í einhvern. Ég veit svo sem ekki hvern ég hefði getað klagað þetta í. Ég hugsaði til Bryndísar hvað hún ætti bágt að vera gift honum Jóni,“ segir í einni sögunni um atvik sem átti sér stað árið 1962.

„Hann sagðist vera að leita að plöntu sem væri svona á stærð við brjóstið á mér – með þeim orðum teiknaði hann hring með vísifingrum utanum vinstra brjóstið á mér. Hann snerti mig afar ákveðið, glotti og hló og BS tók undir í sama streng en hún stóð við hliðina á honum. Hló að þessum aðförum. Ég er fremur brjóstastór. Ég man bara að ég var svo steinhissa að ég kom ekki upp orði,“ skrifar ein kvennanna um atvik sem átti sér stað árið 1979.

„Það fyrsta átti sér stað þegar „óvart“ blasa við mér kynfæri sem skyndilega urðu sýnileg undan sloppnum þar sem hann lá veikur í rúmi sínu. Man eftir því að snarþagna og skunda rakleitt út úr herberginu í uppnámi,“ skrifar systurdóttir Bryndísar um atvik sem átti sér stað árið 1991, þegar hún var barn.

Allar sögurnar má lesa í heild sinni hérna.

Sjá einnig: Viðtalið við Aldísi hreyfir við fólki

Ertu með frétt?
Hefur þú skemmtilegt efni til að koma á framfæri?

Sjá einnig

Innlent

fyrir 13 tímum

Alls ekkert fyrir aumingja

Lesa meira

Innlent

fyrir 15 tímum

Hægfara umbætur

Lesa meira
Kaupa áskrift
Kaupa áskrift

Tryggðu þér áskrift

Ef þú vilt tryggja þér glæsileg og vegleg tímarit, komdu í áskrift!

Kaupa áskrift

Lesa Mannlíf á netinu

Sími 515-5500

askrift@birtingur.is

auglysingar@birtingur.is

ritstjorn@birtingur.is