Föstudagur 29. mars, 2024
-0.2 C
Reykjavik

Ótalmargir sem áttu slæma viku

VefTv

- Auglýsing -

Hlaðvörp

- Auglýsing -

Í hverju tölublaði tiltekur Mannlíf þá aðila sem átt hafa góða viku og slæma viku. Að þessu sinni eru það bankastjórar annars vegar og Dagur B. Eggertsson hinsvegar sem eru hinir útnefndu.

Góð vika – Bankastjórar

Hagfræðingurinn Gylfi Zoega átti rokkstjörnumóment í fréttum vikunnar þegar hann sagði bönkunum til syndanna fyrir ógagnsæi og bruðl. Hins vegar er ólíklegt að bankamennirnir hlusti á gagnrýnisrödd Gylfa frekar en annarra radda í samfélaginu, enda uppteknir við að hámarka góðærið. Allir bankastjórar stóru bankanna þriggja hækkuðu verulega í launum í fyrra þótt hagnaður þeirra hafi staðið í stað eða jafnvel helmingast frá árinu áður.

Myndarlegustu hækkunina fékk bankastjóri Landsbankans sem hækkaði um 82 prósent á einu ári en þarf samt að sætta sig við að vera með umtalsvert lægri laun en kollegar hennar hjá Íslandsbanka og Arion banka.

Slæm vika – Dagur B. Eggertsson

Það er mikil ásókn í þetta dálkapláss þessa vikuna. Forsvarsmenn bílaleigunnar Procar urðu uppvísir að svindli í viðskiptum með bíla og fengu í kjölfarið sparkið frá Samtökum ferðaþjónustunnar og sannkristnir hafa þurft að engjast á meðan þeir horfa upp á hljómsveitina Hatara rjúka upp á stjörnuhimininn. Fáir bíða þó jafnmikið eftir sumrinu og borgarstjórinn Dagur B. Eggertsson sem hefur fengið holskeflu umdeildra mála í fangið upp á síðkastið.

Fokdýr braggi, horfnir tölvupóstar, pálmatré og nú síðast brot á persónuverndarlögum vegna SMS-sendinga á valinn hóp kjósenda í aðdraganda kosninga hafa skyggt á öll önnur mál meirihlutans í borginni.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -