Fimmtudagur 28. mars, 2024
3.8 C
Reykjavik

Suðræn veisla fyrir augu og eyru

VefTv

- Auglýsing -

Hlaðvörp

- Auglýsing -

Reynir Hauksson setur upp fjórar flamenco-sýningar á Íslandi í ágúst.

„Þetta verður hefðbundin flamenco-sýning, söngur, dans og gítarleikur að hætti Andalúsíubúa, en þó með ákveðnu nútímatvisti til að sýna það sem er í gangi í flamenco um þessar mundir og hvert þetta listform er að stefna,“ segir tónlistarmaðurinn Reynir Hauksson, sem setur upp fjórar flamenco-sýningar á Íslandi í ágúst.

Reynir, sem er lærður gítarleikari og hefur fengist við flamenco-gítarleik í Andalúsíu þar sem hann er búsettur, segir að viðlíka sýning hafi ekki verið sett upp hérlendis lengi eða síðan spænski flamenco-dansarinn Joaquin Cortés tryllti landann ásamt stórsveit sinni í Laugardalshöll árið 2004. Sjálfur hefur Reynir fengið til liðs við sig glæsilegt lið listamanna, spænska söngvarinn og flamenco-listamanninn Jacób de Carmen, dansarann Jade Alejandra sem er af mexíkóskum uppruna og hefur kennt flamenco-dans í Kramhúsinu og spænska gítarleikarann Julian Fernández sem kemur fram með dansflokkum víða á Spáni.

Fyrsta sýningin verður sett upp í Tjarnabíói 15. ágúst, önnur í Gamla kaupfélaginu á Akranesi 16. ágúst, sú þriðja í Hofi á Akureyri 17. ágúst og fjórða og síðasta í Hjálmakletti í Borgarnesi 18. ágúst og er Reynir bjartsýnn á að viðtökur verði góðar. „Ég hef verið með flamenco- gítareinleik víðsvegar um landið í sumar og undirtektirnar hafa verið vonum framar þannig að ég vona það. Annars er aðalmálið að setja saman flotta dagskrá með þessum frábæru listamönnum svo útkoman verði góð,“ segir hann og bendir á að allar frekari upplýsingar séu á www.tix.is

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -